![](https://utpiditawaj.com/wp-content/uploads/2024/03/brj-holi1.jpg)
वीरगन्ज । तराईका जिल्लाहरूमा आज होली पर्व सुरु भएको । मधेश प्रदेशका धनुषा, महोत्तरी, सर्लाही, रौतहट, बारा, पर्सासहितका जिल्लामा होली सुरु भएको हो ।
![](https://utpiditawaj.com/wp-content/uploads/2024/03/nepx.gif)
![Brj holi1](https://npcdn.ratopati.com/media/news/brj-holi1_Vh1xFnXytw.jpg)
यसैगरी वीरगन्जमा पनि बिहानैदेखि होली पर्वको रौनक सुरु भएको छ । स्थानीयवासीले एक अर्कालाई रङ्ग र अबिर दलेर खुसीयाली साटासाटसँगै होली मनाइरहेका छन् ।
वीरगन्जको मुख्य बजारमा होली मनाउनका लागि मानिस जम्मा भइरहेका छन् । खासगरी वीरगन्जको आदर्श नगरमा होली धूमधामले मनाउने चलन भएकाले अहिलेदेखि सो नगरमा भिडभाड बढ्न थालेको छ ।
![Brj holi2](https://npcdn.ratopati.com/media/news/brj-holi2_A8yJYhKrhq.jpg)
वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व विभिन्न रङ्ग र लोला खेली मनाउने परम्परा छ । होली पर्वको अवसरमा सरकारले आज तराइका जिल्लाहरूमा बिदा दिएको छ ।
![Brj holi3](https://npcdn.ratopati.com/media/news/brj-holi3_rX7gVddITN.jpg)